Azan Ke Bare Me Jhooti Hadeeso Ka Khulasa ..

Discussion in 'Islam' started by KoYeL, Mar 9, 2014.

  1. KoYeL

    KoYeL New Member

    Joined:
    Apr 26, 2013
    Messages:
    7
    Likes Received:
    0
    » Deen Ke Dushmano Ne Ya Zamane
    Jahiliyat Ne Azan Ke Bare Me Huzur
    (Sallallahu Alayhi Wa Sallam) Ke Naam Se
    Banaye Hue Kuch Jhoote Hadeeso Ka
    Khulasa Ham Iss Post Me Karna Chahenge.
    Lihaza Post Jara Gour Se Parhiyega !!!
    » Jhooti Hadees No.1 : Hamaare Nabi-e-
    Paak Taajdaar-e-Madina (Sallallaahu
    Alaihe Wa Sallam Ne Kabhi Azan Nahi Di,
    Isliye Ke Agar Aap Azan Dete Toh Puri
    Kainat Sajda Me Aa Jati, Aur Allah Ko Azan
    Bahut Pasand Hai.
    » Jhooti Hadees No.2 : Sawaal : Aisa
    Konsa Kaam Hai Jis Ke Karne Wale Ko
    Allah Paak Bohat Pasand Karte Hain.
    Magar Woh Kaam Hazrat Muhammad
    (Sallallaahu Alaihe WaSallam) Ne Nahi
    Kiya?
    Answer: Huzoor (Sallalah-O-Alaihe
    Wassalam) Ne Kabhi Aazan Nahi Di, Agar
    Aap (Sallallaahu Alaihe WaSallam) Aazan
    Dete Toh Kainat Ki Har Cheez Masjid Me
    Aa Jati Aur Nizaam-e-Kainat Tabaah Ho
    Jata,.!!!
    ★ In Jhooti Hadeeso Ka Khulasa Kuch
    Haq Dalilo Me :
    Ye Bilkul Man-Gharant, Be Bunyaad Aur
    Khayaali Pulao Hai. Tahqiq Ye Hai Ke:
    » 1) . Huzoor-e-Akram (Sallallaahu Alaihi
    Wa Sallam) Ne Ek Baar Safar Me Khud
    Azan Di (Shahadat Ke Alfaaz Istarah Kahe:
    Ash-Hadu Anni Rasool’Allaah), Takbir Kahi
    Aur Namaz Parhayi.
    - Fataawa Razwiya: 5/474, 475 (Durre
    Mukhtaar, Tirmizi, Azziya, Imaam Ibne
    Hajar Asqalaani Ki Fat-Hul Baari,
    Imaam Nawawi, Imaam Ibne Hajar
    Makki Ki Kitab Tohfa Ke Hawaale Se)
    » 2) .Huzoor ﷺ (Sallallahu Alaihay
    Wasallam) Safar Pe Thay, Namaz Ka Waqt
    Qareeb Aaya, Baarish Barsi Toh Zameen
    Geeeli(Gara) Ban Gai, Aap Ne Sawari Par
    Bethay Hi Azan Di Phir Iqamat Kahi.
    - (Musnad-e-Ahmed, Hadees#17584)
    (Tirmizi Shareef, Hadees#411)
    » 3) . Jab Imaam-e-Hasan Ibn-e-Ali (Radhi
    Allaahu Anhu) Ki Wiladat Hui Toh Huzoor
    ﷺ (Sallallahu Alaihay Wasallam) Ne Un Ke
    Kaan Me Azan Di.
    - (Tirmizi Shareef, Hadees#1519)
    » Note : Lihaza Zamaan-e-Jahiliyah Ki
    Bato Me Gumrahi Se Bachne Ke Liye Sahi
    Ilm-e-Deen Hasil Kare, Aur Auron Ko Bhi
    Gumrah Hone Se Bachaye.. Aur Yaad Rahe
    Ke Hadees-e-Mubarak Me Hai Ke,
    “Jisney Mujh Par Janbujh Kar
    (Intentionally) Jhoot Bola Usey Jahannam
    Me Apney Thikaney Ke Liye Tayyar Rahna
    Chahiye”.
    -: (Sunan Ibn Majah, Vol 1, # 30)
    Allah Ta’ala Tamaam Emaanwalo Ko Sahi
    Ilm-e-Deen Ki Samajh Ataa Farmaye
    Aameen Summa Aameen

     

Share This Page