Featured News رمضان المبارک کے موقع پر مسلمانوں کے نام صدر اوبامہ کا پیغام

Discussion in 'Current Affair and Siasi Debate' started by fawad, Jun 6, 2016.

  1. fawad

    fawad Member Siasi Karkun

    Joined:
    Mar 31, 2008
    Messages:
    696
    Likes Received:
    0
  2. fawad

    fawad Member Siasi Karkun

    Joined:
    Mar 31, 2008
    Messages:
    696
    Likes Received:
    0

    فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

    رمضان کے موقع پر صدر باراک اوبامہ کا پیغام

    ایک نئے چاند کی رویت کے بعد رمضان کے آغاز کے موقع پر میں اورمشعل اوبامہ ، امریکہ اور دنیا بھر میں بسنے والے مسلمانوں کے لیے نیک تمناؤں کا اظہار کرتے ہیں ۔

    یہ مہینہ روحانی پاکیزگی، عفوودرگزر،صبروتحمل ،بردباری، اور نسبتاََ کم خوش قسمت افرادکے لیے ہمدردی اور معاشرتی یگانگت کے فروغ کا بہترین موقع فراہم کر تا ہے۔ ہر سبق کی اپنی اہمیت ہے اور یہ سب مل کر ایک پُرامن کل کو جنم دیتے ہیں۔ یہ سال کا وہ وقت بھی ہے جب خاندان اور ہمسائے بہترین کھانوں کے ساتھ دستر خوان پر افطار کے لیے اکٹھے ہوتے ہیں۔

    ریاست ہائے متحدہ امریکہ میں مسلمان کمیونٹی بھی ہمارے معاشرے کی طرح متنوع ہے۔ یہاں ایسے مسلمان بھی موجود ہیں جن کی جڑیں بھی اتنی ہی پرانی ہیں جتنی امریکی قوم کی اساس اور ایسے بھی ہیں جو ابھی ابھی یہاں آئے ہیں۔ ڈاکٹرز ، وکلاء ، فنکار ، اساتذہ، سائنسدان، کمیونٹی منتظم ، سرکاری ملازمین اور فوج کے اہلکار سب ہر روز مغرب کے وقت امریکہ کے مختلف شہروں میں اکٹھے روزہ افطار کریں گے۔

    یہ وقت جب امریکہ میں بسنے والے مسلمان مقدس ماہ کو منا رہے ہیں، ہمیں یاد دلاتا ہے کہ ہم سب ایک امریکی خاندان کا حصہ ہیں۔ میں ،اُن لوگوں کے خلاف جو ہمیں تقسیم کرنا چاہتے ہیں یا ہماری مذہبی یا شہری آزادی پر قدغن لگانا چاہتے ہیں،مکمل تندہی کے ساتھ امریکی مسلم کمیونٹیز کے ساتھ کھڑا ہوں ۔ میں بلا امتیاز مذہب اور رنگ ونسل تمام امریکیوں کے شہری حقوق کی حفاظت کے لیے پر عزم ہوں۔میں اپنی مشترکہ انسانیت ، امن اور سب کے لیے انصاف کی روایت میں ساتھ کھڑا ہوں ۔

    غوروفکرکے اس مہینے میں ہم دنیا بھر اور ہمارے ہمسائے میں تنازعات سے متاثرہ علاقوں کے ان لاکھوں لوگو ں کو فراموش نہیں کر سکتے جو اپنے گھر سے دربدر ہو چکے ہیں۔ مسلمانوں کی ایک بڑی تعداد اس بار رمضان کے روزوں میں اپنے گھروں کے آرام سے محروم رہیں گے اور عید بھی اپنے اہل و عیال کے ساتھ نہیں گزار سکیں گے۔ ہم سب کو مل کر اُن افراد کی مشکلات کو کم کرنے کے لیے کام کو جاری رکھنا ہو گا ۔ یہ مقدس وقت ہمیں احساس دلاتا ہے کہ ہمیں ہر انسان کی عظمت کو یقینی بنانے کے اپنے مشترکہ فرض کو ادا کرنا ہو گا۔ ہم اپنے ملک میں تارکین اور پناہ گزین افراد بشمول مسلمانوں کو خوش آمدید کہتے رہیں گے۔

    جیسا کہ میں اپنے پورے عرصہ صدارت میں کرچکا ہوں ،میں اس خاص موقع پربھی رمضان کے اختتام پر عید کی تقریب میں وائیٹ ہاؤس کے دروازے امریکی مسلمانوں پر کھولنے کا منتظر ہوں– بحیثیت صدر اپنی انتظامیہ کے آخری رمضان کی خوشیا ں منانے کے لیے اس سے بہتر کوئی اور طریقہ میرے ذہن میں نہیں آتا کہ میں امریکہ اور دنیا بھر میں مسلمانوں کی خدمات کو خراج تحسین پیش کروں ۔ رمضان کریم.

    فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

    digitaloutreach@state.gov

    www.state.gov

    DOTUSStateDept (@USDOSDOT_Urdu) | Twitter

    http://www.facebook.com/USDOTUrdu

    [​IMG]
     
  3. fawad

    fawad Member Siasi Karkun

    Joined:
    Mar 31, 2008
    Messages:
    696
    Likes Received:
    0


    فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

    امریکی وزیر خارجہ کا رمضان المبارک کے موقع پر پیغام


    [​IMG]


    "رمضان عبادت، سخاوت اور تزکیہ نفس کا مبارک مہینہ ہے۔ سب سے اہم بات یہ ہے کہ رمضان اپنے خاندان والوں اور دوستوں سے بھلائی اور مستحقین کی مالی مدد کرنے کا بہترین وقت ہے۔ یہ وقت ہمیں ہم آہنگی کی مشترکہ اقدار اور غم گساری جیسی صفات کی یاد دہانی کراتا ہے۔"


    امریکی وزیر خارجہ ريکس ڈبليو ٹلرسن


    فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

    digitaloutreach@state.gov

    www.state.gov

    DOTUSStateDept (@USDOSDOT_Urdu) | Twitter

    http://www.facebook.com/USDOTUrdu

    https://www.instagram.com/doturdu/

    Us Dot | Flickr
     
  4. fawad

    fawad Member Siasi Karkun

    Joined:
    Mar 31, 2008
    Messages:
    696
    Likes Received:
    0

    فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

    [​IMG]

    رمضان المبارک کے موقع پر صدر ڈونلڈ جے ٹرمپ کا پیغام

    امریکی عوام کی طرف سے میں تمام مسلمانوں کو پرمسرت ماہِ رمضان کے موقع پر نيک خواہشات پیش کرتا ہوں۔

    صبح سے لے کر غروب آفتاب تک روزوں کے اس مہینے میں، امریکہ اور دنیا بھر کے بہت سے مسلمانوں کوخیرات اور غوروفکر کے کاموں سے مقصدیت اور روحانی فیض حاصل ہو گا جس سے ہماری کمیونٹیاں توانا ہوتی ہیں۔ بنیادی طور پر رمضان کی روح، تشدد کو مسترد کرنے کی ہماری مشترکہ ذمہ داری کا شعور، امن کا حصول اور غربت اور جنگ کے ہاتھوں مصائب جھیلنے والے ضرورت مندوں کو مدد فراہم کرنا ہے۔

    امسال اس مہینے کا آغاز ایک ایسے وقت پر ہو رہا ہے جب دنیا برطانیہ اور مصر میں وحشیانہ دہشت گرد حملوں کا شکار ہونے والے بے گناہوں کا سوگ منا رہی ہے۔ یہ حملے اخلاقی انحطاط کی ایسی حرکتیں ہیں جورمضان کی روح کے براہ راست منافی ہیں۔ اِس طرح کی حرکتیں دہشت گردوں اور اُن کی گمراہ کن نظریاتی سوچ کو شکست دینے کے ہمارے عزم کو فولادی بناتی ہیں۔

    سعودی عرب کے اپنے حالیہ دورے کے دوران مجھے 50 سے زیادہ مسلم ممالک کے راہنماؤں سے ملنے کا اعزاز حاصل ہوا۔ وہاں، عالم اسلام کے دو مقدس ترین مقامات کی سرزمین پر، ہم اپنے اپنے ممالک اور دنیا کے لیےامن، سلامتی اور خوشحالی کی خاطر، شراکت داری کا ایک پرزور پیغام دینے کے لیے ایک جگہ اکٹھے ہوئے۔

    ریاض میں دیئے گئے اپنے بیان کو میں دہراتا ہوں: امریکہ دہشت گردی اور اِس کو بھڑکانے والے نظریے کے خلاف ہمیشہ اپنے شراکت داروں کے شانہ بشانہ کھڑا ہوگا۔ آئیے، رمضان المبارک کے اس مہینے کے دوران اس بات کاعزم کریں کہ ہم کسی قسم کی کوئی کمی نہیں چھوڑیں گے تاکہ ہم یہ یقینی بنا سکیں کہ آنے والی نسلیں اس لعنت سے آزاد ہوں اور سکون سے عبادت اور تبادلہ خیالات کر سکیں۔

    ایسے میں جب آپ رمضان کے بابرکت مہینے کی صدقے، روزوں، اور عبادت کی روایات پر عمل کرنے جا رہے ہیں، میں پوری دنیا کے مسلمانوں کے ساتھ اپنی بہترین خواہشات کا اظہار کرتا ہوں۔ خدا آپ کو اور آپ کے خاندانوں پر رحمت فرمائے۔

    فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

    digitaloutreach@state.gov

    www.state.gov

    DOTUSStateDept (@USDOSDOT_Urdu) | Twitter

    http://www.facebook.com/USDOTUrdu

    https://www.instagram.com/doturdu/

    Us Dot | Flickr
     
  5. fawad

    fawad Member Siasi Karkun

    Joined:
    Mar 31, 2008
    Messages:
    696
    Likes Received:
    0

Share This Page